Çfarë duhet të dish për kartat e kreditit?

Çfarë është karta e kreditit? Është një mjet pagese nëpërmjet së cilës një person kryen blerje duke marrë hua nga një institucion financiar. Pra, kur përdorim kartën e kreditit ne marrim borxh nga banka.

Përfitimet e kartës së kreditit:

1. Lehtësi në përdorim;

2. Zgjidhje e shpejtë kur duam të bëjmë blerje të menjëhershme;

3. Shmang përdorimin e cash-it;

4. Përdorimi i saj është i mbrojtur.

Pse NUK e rekomandoj përdorimin e kartës së kredititi:

1. Mund të shpenzosh shumë sepse është më e vështirë për ti kontrolluar blerjet;

2. Kur përdor cash-in ke më tepër mundësi ti menaxhosh shpenzimet;

3. Përgjithësisht kartat e kreditit kanë interesa, që do të thotë shpenzime më tepër për ty;

4. Përdorimi i tepërt i kartës së kreditit mund të të zhys në borxhe;

5. Mund të mos arrish ti mbyllësh në kohë detyrimet ndaj kartës në fund të muajit, çka do të fus në një rreth vicioz;

6. Blerjet me kartë krediti mund të kthehen në varësi.

Çfarë rekomandoj në vend të përdorimit të kartës së kreditit:

1. Cash: është më lehtë i menaxhueshëm, nuk ka kosto.

2. Karta e debitit: nuk ka kosto, ka siguri të lartë, njësoj si karta e kreditit, mund të kontrollohet nëse në kartë nuk mbahen shuma të mëdha

Xhonsila HoxhaTrajnere e çertifikuar në financat personale.